如何清潔IQOS？慳錢慳時間又簡單的方法 • 用棉花棒乾索就OK了 • 盡量少用酒精 • 想您的 IQOS 或其他加熱煙機耐用長壽必看貼示之二

IQOS棉花棒？十蚊200支400頭棉花棒，抵到爛又簡單的IQOS清潔工具

更新︰2021-12-12 初發︰2020-08-31

如何清潔IQOS？應該是問，如何清潔 IQOS 又省錢又簡單，又可以令你的 IQOS 耐用長壽冇咁易壞呢？

從過去幾年維修 IQOS 和 IQOS 壞機原因的大數據得知，易壞機的人就經常壞機，襟用的人就支支都襟用！

當然，買電子產品有時也會唔好彩，剛剛撞正買咗支質量差少少嘅！但從長遠分析來講，加熱煙機，不管是美國/瑞士的 IQOS，或是韓國的 LIL，又或是兼容代用機的 HITASTE，耐不耐用，其實主要關鍵在於用嘅人如何使用！

壞習慣加上粗用亂用，一天20次，半年已經損耗3600次，唔壞才怪！

清潔IQOS，每晚用乾的棉花棒「乾索」就OK啦！千祈唔好用果啲不明來歷的IQOS專用清潔液，IQOS專用清潔劑，酒精都盡量少用！

最傷加熱煙機的，排第一位就是煙油！若好得閒，不妨可以每抽一支煙就用棉花棒「索乾」內部一次，不過這樣做又真係誇張咗啲。

其實一晚一次，用乾的棉花棒「索乾」煙機內的煙油都已足夠。除非太污糟太臭，否則盡量少用酒精抹。

點解呢？其實煙油很濃，流動性不高，加上現時 IQOS 的加熱煙機內都有密封圈，煙油流入煙機的機會不高。

反而用酒精抹，酒精混合煙油，更容易滲入煙機內，尤其是用那些 IQOS 強力清潔液，還要用勁多，濕淋淋咁抺，好似要幫 IQOS 沖涼咁，好快就出事！

若IQOS加熱片太黑，要用酒精抹，又應如何抺呢？

若加熱片太污糟，需要落酒精抹，第一當然要有防斷片保護膠墊，頂住加熱片，防止用力抹就把加熱片弄斷！

然後沾少少酒精就可以了，別太貪心，酒精一多，一按壓就會擠出來。

若情況許可，最好就是把煙機翻轉才抹，那即使有酒精流了出來，也不會流入煙機內。

❖